ଭୁବନେଶ୍ବର: ପରେ ରାଜ୍ଯ କଂଗ୍ରେସ ପାଇବ ନୂଆ ମୁଖିଆ । ଶହେରୁ ଅଧିକ ଦିନ ହେବ ମୁଖିଆ ଶୂନ୍ୟ ହୋଇଥିବା ଓଡ଼ିଶା କଂଗ୍ରେସକୁ ନୂଆ ମଙ୍ଗୁଆଳ ଦେବାକୁ ଏଆଇସିସି ଆରମ୍ଭ କରିଛି ପ୍ରକ୍ରିୟା । ପଡ଼ୋଶୀ ଛତିଗଶଡ଼ର ବିରୋଧୀ ଦଳ ନେତା ଚରଣ ଦାସ ମହନ୍ତ ଓ ମିନାକ୍ଷୀ ନଟରାଜନଙ୍କୁ ଓଡ଼ିଶାରେ ପିସିସି ସଭାପତି ମନୋନୟନ ଲାଗି ଗୁରୁ ଦାୟିତ୍ବ ଦେଇଛନ୍ତି । ଏଆଇସିସି ଅଧ୍ୟକ୍ଷ ମଲିକାର୍ଜୁନ ଖଡ଼ଗେ ।ସନ୍ତୋଷ ସିଂ ସାଲୁଜା କହିଛନ୍ତି ଦୀପାବଳୀ ସୁଦ୍ଧା ଓଡ଼ିଶାରେ ନୂଆ ପିସିସି ସଭାପତିଙ୍କ ନାଁ ଘୋଷଣା କରାଯିବ । ସମସ୍ତଙ୍କ ମତାମତ ନେଇ ସଭାପତି ବାଛିବା ପାଇଁ ଏଆଇସିସି ୨ ଜଣ ନେତାଙ୍କୁ ଗୁରୁ ଦାୟିତ୍ବ ଦେଇଛନ୍ତି । ୨୦୨୪ ସାଧାରଣ ନିର୍ବାଚନରେ କଂଗ୍ରେସର ନୈରାଶ୍ୟଜନକ ପ୍ରଦର୍ଶନ ପରେ ଜୁଲାଇ ୨୧ ତାରିଖରେ ଏଆଇସିସି ପିସିସିକୁ ଭାଙ୍ଗି ଦେଇଥିଲା । ୨୧ ଜଣିଆ ଷ୍ଟିୟରିଂ କମିଟି ଜରିଆରେ କଂଗ୍ରେସକୁ କ୍ରୀୟାଶୀଳ କରିବାକୁ ଏଆଇସିସି ଚେଷ୍ଟା କରିଥିଲା । ହେଲେ ତାହା ମଧ୍ଯ ଫେଲ ମାରିଥିଲା । ଏହାରି ଭିତରେ ଦଳର ଭୋଟ ହାର ୧୩ ପ୍ରତିଶତରେ ପହଞ୍ଚିବା ସହ ସଙ୍ଗଠନ ଏକ ରକମ ସ୍ଥାଣୁ ପାଲଟି ଯାଇଛି । ଏପରି ସ୍ଥିତିରେ କାହାକୁ ମୁଖିଆ କରାଗଲେ କଂଗ୍ରେସ ସଙ୍ଗଠନକୁ ସଞ୍ଜୀବନୀ ମିଳିବ ତାହାକୁ ନେଇ ହାତ ଶିବିରରେ ଚାଲିଛି ଆଲୋଚନା ।